الخرطوم=^المندرة نيوز^
تكلم في نقاط مع القوه السياسية
اعلان العفو العام عن من ارادان يتخلى عن دعمه للمليشيا وطبعا انا شخصيا مع (الحنك) دا فيه تسامي لمصلحة الوطن وجمع الصف ويقصد هنا القوة السياسية الحاضنه للمليشيا بكل انواعها من إدارة مدنيه الي سياسيه هذا فيه تعافي للبلاد.
أيضا تطرق الرجل للحرب والتفاوض معا وذكر ان هذه الحرب سوف تستمر حتي في رمضان لحدي القضاء على المليشيات اي لا تفاوض.
وذكر انه سوف يكون حكومه مدنيه مستقله وتكنوقراط ان شاء الله اكون كتبتها صاح عشان مااكون سايقكم بالخلاء ساي زي الجماعه ورئيس وزراء والذي منه ودا اقطع ضراعي في كل خطاب بسمع منو اها ماعلينا دي حاجه تخص البرهان.
قطع الطريق امام المؤتمر الوطني وتقدم والاتنين في الخطاب فصل بينهما بواو عطف فقط…. مافي ليهم اي طريقه حكم تقدم دي بي سببه المؤتمر الوطني دا (دحين) مابحارب معاك في الصفوف الاماميه وله تلميح ساي منك والجماعه بي (تحت) شغالين معاك المهم انا حاطب ليل
اخيرا والله الخطابات دي اصلا ماشايف فيها جديد غير اني مهتم انا شخصيا بالقضاء على هذه المليشيات والوقوف مع الجيش في خندق واحد تاني ان شاء الله تحكمنا سميره دنيا هذه الفنانه ذات الصوت الجميل….. مافارقه معانا كتيير
مش كدا ياوداد؟!
